السلام عليكم ورحمة الله وبركاته

 

اليوم قعدت من الصبح حاير   ... وش أحط شي جديد في سبيسي ماعندي سوالف   ولا تصاميم جديدة   ولا ثيمات جديدة ولا .. ولا شي جديد     

 

  وجاتني فكره

 

قلت احط لكم مسابقة

ملاحظة : المسابقة بدون هدية ( بس تسلية   ) يعني اللي يبي يتسلا يجاوب

 

السؤال

 

 

  ماعندي سؤال ...قاعد ادور لكم سؤال صعب

 

  لقيته

 

يقولك في كتاب الأسئلة التعجيزية

من تأليف الكاتب : كونان

في صفحة 165

-----------------------------

س : اذا صرت في غرفة لحالك ومقفلين عليك الباب (وطبعا ً لازم يكون في شيء تعجيزي) والباب حديد والغرفة مافيها شبابيك ...

 

شلون تطلع؟؟؟

السلام عليكم ورحمة الله وبركاته

 

بس حبيت اقول لكم سالفتي مع أول يوم دراسي

 

 

"مشكلة في أول يوم دراسي"

 

انا يوم تخرجت من المرحلة المتوسطة عطوني ملف وحطوا فيه الشهادة واوراق وخرابيط المهم في ورقة مكتوب فيها ينقل ملف الطالب إلى مدرسة "عكاض الثانوية"

 

وانا ما اابي اروح في عكاض ... لأن ربعي كلهم في مدرسة مكة

 

المهم قلت حق ابوي انا ابي انقل مدرسة مكة

 

وفي نص العطلة ابوي نقلني وقالوا له خلاص اعتمد يوم السبت تودي ولدك مدرسة مكة

 

طيب و وداني ابوي مدرسة مكة يوم السبت ورحنا هناك وشفت ربعي وناس شكثرهم اعرفهم

 

المهم... رحت مكة وقعدت هناك الى الساعة 8:00 ووزعوا الفصول

 

يلا اللي ماسمع اسمه يوقف على جنب

 

وقفنا مجمووعه كبيييييييره وكل ما ينادون واحد يقبلونه بقا 3 ...انا و2 اعرفهم

 

المدرس : تعال انت (نادى واحد من اللي معانا) ذاك مسكين قام يرجف من الخوف

 

انت وش اسمك؟

 

الطالب: اسمي(.... .... .........) قال اسمه الكامل من الرعب

 

المدرس : طيب من وين جاي؟

 

الطالب : من مدرسة الادريسي

 

المدرس : الادريسي! ولا واحد هنا قبلناه من الادريسي

 

طيب مين اللي قال لك ان انت مقبول؟

 

الطالب : ابوي نقلني وقال لي خلاص روح داوم في مكة يوم السبت

 

قال المدرس : لالا...احنا ماقبلنا ولا واحد من مدرسة مكة

 

وطردونا احنا الثلاثة

 

طيب وين نروح؟

 

روحو عكاض

 

طيب

 

ورحنا عكاض... زين ان هذا عنده سياره ولا كنا رحنا مدرسة عكاض مشي

 

وقعدنا في عكاض ووزعوا الفصول والكتب وكل شي

 

طيب انا استلمت الكتب وطلعت بس مافي احد اعرفه وهذا اللي عنده سياره مشى

 

وادور يمين يسار

 

مافي احد رحت بدخل المدرسة عشان اتصل على ابوي

 

زححححححمه على غرفة الوكيل كلهم بيتصلون

 

المهم... ماقدرت اتصل

 

واطلع برهمره ثانيه قلت : لالا هالمره ماعلي من الزحمة بقعد انتظر دوري

 

وانا بدخل الا لمحت واحد ... كني اعرفه!

 

منو هذا ياترا؟

 

اها عرفته

 

سألته : انت وين ساكن؟

 

قال لي : هناك

 

يعني المهم طلع ساكن ورا بيتنا بالضبط

 

انا : طيب تدل من وين نروح؟

 

قال لي ببرود : اي نروح هنا قداااااااااااااااااااااااااااااااااااااااااااااام

 

ورحت معاه

 

قال لي : نوقف تكسي؟؟

 

قلت له يلا

 

ووقفنا تكسي

 

تونا ركبنا ... الا انا الملقوف قلت حق اللي قاعد امشي معاه : عندك فلوس؟

 

قال : لا...نعطيه في البيت

 

التكسي خاف نكذب عليه

 

قال لنا : لالا...انا مافي وصل انت ...انت لازم يدفع بعدين وصل

 

وجزاه الله خير قربنا مترين قدام

 

ومشينا الى البيت مشي على الأقدام

 

وكان البيت بعييييييييييييييييييييد

 

اول مارجعت شربت لي ثلاث كاسات ماي كبار